話説一個月前去左瑞典，咁係北歐當然要試下俾雪橇狗狗，去之前都知道自己好仆街要d狗狗拉我，不過經過呢次之後，我又有第二個唸法。咁講一講價錢先，我地就俾左1600SEK 1個人，其實係貴左既！因為我地到左 先去information centre 到報，所以我地睇左好多個團都full左，得反最後呢個係聽朝先有，咁無計啦，貴d就貴d啦，黎到唔通唔坐咩。
點知仆街我錢就俾左，但係呢就無人黎接我地。原來琴晚個煙火美信Centre個肥婆趕住收工，冇同我地寫email去聯絡個雪橇狗夠公司，所以等左成朝都冇人理接我地，戇鳩鳩咁坐左係個酒店度等左勁耐。
到後期我哋搵酒店個職員打電話去嗰間公司先知道呢件事，於是佢哋就收平左我哋400SEK, 將行程減咗3個鐘。咁死就死啦唔去就冇架啦！
咁最後呢，有個18歲嘅妹妹仔來接我地，去到去就好詳細咁解釋左點樣去駕駛個雪橇狗九架車，因為我哋報咗個團係有我地控制嘅，自己控制同佢哋控制係唔同價錢嘅。
咁佢就揀咗四隻狗仔去拉我哋兩個人，嗰導遊妹妹就揀咗兩隻狗仔去拉佢自己一個人。
咁其實冇話點樣控制隻狗狗點樣行嘅，因為隻狗狗淨係會跟住前面嘅導遊行，我唯一可以做嘅嘢就係踩住個腳踏唔俾佢哋行。
咁佢就用英文同我地講如果見到拉住我哋嗰條繩纏着隻狗狗嘅腳嘅話要即刻踩住個腳踏停低，唔好傷害到啲狗，因為如果keep住咁行跳繩就會拉傷隻狗隻腳。
大約講咗五分鐘左右，咁就開波啦，咁一個就坐前面一個企喺後面(即係負責住踩腳踏)。真係唔係講笑，啲狗狗勁大力，同超級興奮。一開頭我係踩住個腳踏，帶佢哋已經起勢係咁衝，可以見到佢哋開心到一個點，因為佢哋唔使再搵係個籠裏面。一放腳，痴晒線，係咁跑係咁跑係咁跑，完全同我想像中嘅好大出入，因為我本來以為好似啲馬咁要打佢哋佢哋先會跑，依家係佢哋係咁跑我想停都停唔到佢哋。仲要係啲雪勁厚，厚到連個腳踏都踏唔到落個地下，佢哋就一直係咁拉住我地走。頂你個肺，佢哋係快到就好斜坡，成個將我同sun Gor 飛咗落街（雪地上面），我自己就覺得佢哋都幾開心。飛咗落雪地上面嘅我，覺得自己好似玩緊過山車咁，都好開心，我on9！
聽返導遊妹妹講，佢哋嘅種係天生用嚟跑，而且日日都可以跑好耐，同佢哋好鍾意跑。已係亞洲嘅雪橇狗，已經唔抵得凍，而且唔跑得變咗真正嘅寵物，所以佢哋嘅雪橇狗係有啲唔同。
對於我來講我對狗冇乜熟悉，唔知道真定假，我只係知道拉到一半我已經凍到不得了，即使在晒佢俾我哋嘅禦寒衣物，我都唔得啦！
一停咗，啲狗狗就好乖咁坐晒喺度，sun gor呢就得閑冇屎屙,同啲狗狗帶頸巾影相，之後呢我哋就入咗個營到飲熱朱古力同食三文治，完咗之後，我哋就返返去起點，狗狗呢就獲得食物做奬勵，大好可惜嘅係佢哋就要返返自己個龐裏面。
之後好好彩咁，呢間公司嘅職員佢哋車左我地去我哋嘅下一站ice hotel,下一篇再講，影片後尾先upload
Search